राष्ट्रपतिद्वारा पाँच विधेयक प्रमाणीकरण

काठमाडौँ । राष्ट्रपति विद्यादेवी भण्डारीले पाँच वटा विधेयक प्रमाणीकरण गरेकी छन् । संघीय संसदका दुवै सदनको बैठकबाट पारित भई प्रमाणीकरणका लागि पेश भएका ती विधेयक आज राष्ट्रपति भण्डारीले प्रमाणीकरण गरेकी हुन् । 

जसमा तथ्याङ्क सम्बन्धी कानुनलाई संशोधन र एकीकरण गर्न, स्टाण्डर्ड नाम र तौल ऐन, २०२५ लाई संशोधन गर्न, प्रत्यायन सम्बन्धमा व्यवस्था गर्न, सार्वजनिक पदधारण गर्ने व्यत्तिको शपथ सम्बन्धमा व्यवस्था गर्न र योगमाया आयुर्वेद विश्वविद्यालयको सम्बन्धमा व्यवस्था गर्न बनेको विधेयक छन् । 

राष्ट्रपति कार्यालयका प्रवक्ता सागर आर्चायका अनुसार राष्ट्रपतिले उक्त विधेयक नेपालको संविधानको धारा ११३ को उपधारा ९२० बमोजिम प्रमाणीकरण गरेकी हुन् ।