चिनीयाँ नेता ली चान्सु र  प्रचण्डबीच भेटवार्ता

काठमाडौं । चार दिने नेपाल भ्रमणमा रहेका चिनियाँ जनकंग्रेसका अध्यक्ष ली चान्सुले उच्चस्तरीय भेटवार्ता जारी राखेका छन् । नेपाल भ्रमणका लागि सोमबार काठमाडौं प्रस्थान गरेका उनले मंगलबार सत्तारुढ माओवादी केन्द्रका अध्यक्ष पुष्पकमल दाहाल प्रचण्डलाई पनि भेटेका छन्  । 

नयाँबानेश्वरस्थित संसद भवनमा चान्सुले प्रचण्डलाई भेटेका हुन् । संसद भवनमै उनले प्रमुख प्रतिपक्षी दल एमाले अध्यक्ष केपी शर्मा ओलीसँग पनि भेटवार्ता गरेका छन् । 

चान्सुले प्रचण्ड र ओलीसँग छुट्टाछुट्टै भेटवार्ता गरेका हुन्। 

सभामुख  अग्निप्रसाद सापकोटाको निमन्त्रणमा नेपाल आएका चान्सु नेपाल आएलगत्तै सोमबार साँझ उनले सभामुख सापकोटासँग भेटवार्ता गरेका थिए । 

लीले यही भदौ २९ गते बुधबार राष्ट्रपति विद्यादेवी भण्डारीसँग शिष्टाचार भेटवार्ता गर्ने कार्यतालिका छ। अध्यक्ष ली भ्रमण सम्पन्न गरी यही भदौ ३० गते बिहीबार स्वदेश फर्कनेछन्।