काठमाडौं । मंगलबार काठमाडौं उपत्यकामा ६२ जना कोरोना संक्रमित भेटिएका छन् । पछिल्ला दिनहरुमा उपत्यकामा कोरोना संक्रमित ह्वात्तै बढेका छन् ।
यसरी भेटिएकामध्ये राष्ट्रिय जनस्वास्थ्य प्रयोगशालामा भक्तपुरका ११ जना र काठमाडौंका आठ जना छन् । यस्तै त्रिवि शिक्षण अस्पतालमा काठमाडौंका पाँच जना, नेपाली प्रहरी अस्पतालमा भक्तपुरका एक जना, स्टार अस्पतालमा काठमाडौंका दुई जना र ललितपुरका एकजना र बीआईडीएच ल्याबमा काठमाडौंका तीन जना र नेपाल-कोरिय मैत्री अस्पतालमा भक्तपुरका एक जना संक्रमित भेटिएकाे स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
मंगलबारबार देशभर २ सय ५९ जना काेराेना संक्रमित भेटिएका छन् । आज थपिएकासहित नेपालमा संक्रमितको संख्या २१ हजार ९ जना पुगेको छ। काठमाडौं उपत्यकामा ६२ जना संक्रमित भेटिएका छन् ।
नेपालमा पछिल्लाे २४ घण्टामा ६५ जना उपचारपछि डिस्चार्ज भएका छन्। यसरी डिस्चार्ज हुनेकाे कुल संख्या १५ हजार २६ पुगेकाे छ । सक्रिए संक्रमितको संख्या ५ हजार ९ सय २५ रहेको छ ।
यस्तै आजसम्म कुल १० हजार ९ सय ३४ जना क्वारेन्टिनमा रहेका छन् । यस्तै मंगलबार थप जनाको मृत्यु भएको छ । योसँगैनेपालमा अहिलेसम्म संक्रमणबाट ५८ जनाको मृत्यु भएको छ।
