सत्ता गठबन्धनको अझै टुंगिएन सिट बाँडफाँट, भोलि फेरि बैठक बस्ने 

काठमाडौँ। आज आइतबार बसेको सत्ता गठबन्धनका शीर्ष नेताहरुको बैठकले आसन्न निर्वाचनका लागि सिट बाँडफाँट अझै टुंग्याउन सकेको छैन। गठबन्धनका शीर्ष नेताहरु पटक-पटक बैठक बस्दा पनि सिट बाँडफाँटको टुंगो लगाउन भने सकस भएको छ ।

आज बसेको बैठकमा पनि बाँडफाँट नटुंगिएपछि सोमबार बिहान ८ बजे पुनः बैठक बस्ने एकीकृत समाजवादी सम्मानीत नेता झलनाथ खनालले बताए । 

आइतबारको बैठकमा कार्यदलले बुझाएको प्रतिवेदनको रिपोर्टिङ मात्र भएको उनले जानकारी दिए । बैठकमा तालमेलका विषयमा कुराकानी भए पनि सिट बाँडफाँट भने टुंगो नलागेको जानकारी दिएका खनालले कार्यदलले तयार पारेको प्रतिवेदनका विषयमा भने रिपोर्टिङ भएको बताए । 

सोमबारको बैठकले सिट बाँडफाँटको टुंगो लगाउने उनको दावा छ ।