आजको मौसम पूर्वानुमान :लुम्बिनी र बागमती प्रदेशमा वर्षाको सम्भावना

काठमाडौं ।  देशभरको मौसममा आज आंशिकदेखि सामान्य बदली रहेको छ ।  जसको प्रभावले लुम्बिनी र बागमती प्रदेशका केही स्थानहरुमा चट्याङसहित हल्कादेखि मध्यम वर्षा भइरहेको छ ।

आज दिउँसो देशको पहाडी भूभागका केही स्थानहरूमा र बाँकी प्रदेशका थोरै स्थानहरूमा चट्याङसहित हल्कादेखि मध्यम वर्षाको सम्भावना रहेको छ । लुम्बिनी र बागमती प्रदेशका एक-दुई स्थानमा भारी वर्षाको सम्भावना रहेको छ । यी दुई प्रदेशमा राति पनि भारी वर्षाको सम्भावना छ ।

भारी वर्षाको सम्भावना रहेका पहाडी भूभागमा पहिरो तथा गेग्रान बहावको जोखिम रहनुको साथै खहरे खोलाहरुमा पानीको बहाव बढ्न सक्ने भएकोले सावधानी अपनाउन मौसम पूर्वानुमान महाशाखाले  अनुरोध गरेको छ ।