राष्ट्रपति भण्डारीले गरिन् महारानी एलिजाबेथको निधनप्रति शोक व्यक्त 

काठमाडौं। बेलायतकी महारानी एलिजाबेथ द्वितीयाको निधनप्रति राष्ट्रपति विद्यादेवी भण्डारीले दुःख व्यक्त गरेकी छन् । काठमाडौँको लैनचौरस्थित बेलायती दूतावासमा आज शुक्रबार दिउँसो पुगेर राष्ट्रपति भण्डारीले महारानी एलिजाबेथको निधनप्रति शोक व्यक्त गरेकी हुन् । 

सात दशक राजगद्दीमा बसेकी ९६ वर्षीया बेलायतकी महारानी एलिजाबेथको हिजो बिहीबार निधन भएको हो । राष्ट्रपति भण्डारीले शुक्रबार दिउँसो दूतावास पुगेर महारानी एलिजाबेथप्रति श्रद्धाञ्जली अर्पण गरेकी हुन् ।

महारानीको निधन खबरले आफू दुःखी भएको उल्लेख गर्दै राष्ट्रपति भण्डारीले आफ्नो र नेपाल सरकारको तर्फबाट एलिजाबेथप्रति श्रद्धाञ्जली व्यक्त गरेकी हुन् ।