बालेनले सर्वोच्चलाई बुझाए लिखित जवाफ (पत्रसहित)

काठमाडौँ। काठमाडौँ महानगरपालिकाको मेयर बालेन्द्र शाह(बालेन)ले सर्वोच्चलाई लिखित जवाफ पेश गरेका छन् । अदालतको अवहेलना सम्बन्धी मुद्दामा पठाएको जवाफमा उनले आफ्नो अभिव्क्तीबाट सम्मानित सर्वोच्च अदालतको न्यााय सम्पादनको कार्यमा अवरोध पुगेको वा फैसलाको अवज्ञा नभएको दाबी गरेका छन्।

बलेनले नेपालको संविधानको धारा १७(२)को (क)ले प्रत्येक नागरिकको विचार र अभिव्यक्ती स्वतन्त्रता सम्बन्धी मौलिक हकको प्रत्याभुत गरेको भन्दै त्यसकोे संरक्षण स्वयं न्यायलय पनि भएको र उक्त मौलिक हकको अभ्यास गर्दा अदालतले अवहेलना हुन्छ भन्नु संविधान सम्मत नभएको बताएका छन्।

आफूबाट बाट अभिव्यक्त भएको शब्द,भाषा र मनसाय समेत बाट सम्मानीत अदालतको अपहेलना नभएको र अपहेलना पैदा गर्ने मनसायले अभिव्यक्त नभएको बताए। 

नर्भिक अस्पतालले नक्सा पास नगरी बनाएको संरचना तत्काल नहटाउन सर्वोच्चले दिएको अन्तरकालीन आदेशको विरुद्धमा अभिव्यक्ति दिएपछि अधिवक्ता दीपकराज जोशीले बालेनविरुद्ध अदालतको अवहेलना मुद्दा दर्ता गरेका थिए । सोहि आधारमा मेयर बालेनलाई भाद्र १६ गते अदालतले सामाजिक सञ्चालमा दिएको अभिव्यक्ती अपहेलना भएको भन्दै लिखित जवाफ मागेको थियो ।