राष्ट्रपति भण्डारीले जसपासँग नागरिकता विधेयकका विषयमा छलफल गर्ने

काठमाडौँ। राष्ट्रपति विद्यादेवी भण्डारीले नागरिकता विधेयकको विषयमा आज जनता समाजवादी पार्टी नेपालका शीर्ष नेताहरुसँग छलफल गर्ने भएकी छिन् । राष्ट्रपति भण्डारीले केही दिनदेखि नागरिकता विधेयकको विषयमा विभिन्न दलहरुसँग छलफल गर्दै आएकी छिन् । 

यस नागरिकताको विषयमा छलफलका लागि आज दुई बजे बोलाइएको जसपाका कार्यकारिणी सदस्य रामसहाय यादवले बताए । 

यसअघि प्रतिनिधि सभा र राष्ट्रिय सभा बाट पारित गरि प्रमाणीकरणका लागि राष्ट्रपति भण्डारीलाई पठाइएको विधेयक थप छलफल गर्न भन्दै भण्डारीले प्रतिनिधिसभामा फर्काइ दिएकी थिइन् । प्रतिनिधि सभा र राष्ट्रिय सभाले पुनः त्यसलाई जस्ताको त्यस्तै पारित गरेको छ ।

संविधानअनुसार राष्ट्रपतिले दोस्रो पटक सो विधेयक फिर्ता पठाउन मिल्दैन र संविधान अनुसार दोस्रो पटक दुबै सदनबाट पारित भएर आएको विधेयक राष्ट्रपतिले १५ दिनभित्र प्रमाणीकरण गर्नुपर्ने हुन्छ ।