एमाले धनुषाबाट महासेठ दम्पती सर्वसम्मत सिफारिस 

काठमाडौँ । आगामी मंसिर ४ गते हुने प्रतिनिधिसभाको निर्वाचनका लागि नेकपा एमालेबाट धनुषा क्षेत्र नम्बर ३ र ४ मा रघुबीर महासेठ दम्पतीको नाम सर्वसम्मत सिफारिस भएको छ । क्षेत्र नम्बर ३ मा जुलीकुमारी महतो र क्षेत्र नम्बर ४ मा रघुवीर महासेठको नाम सिफारिस भएको हो ।

महासेठ अहिले धनुषा ४ बाटै प्रत्यक्ष निर्वाचित सांसद छन् भने महतो समानुपातिक सांसद हुन् ।  एमाले सचिव तथा स्थायी कमिटी सदस्य समेत रहेका महासेठको एकल नाम क्षेत्र नम्बर ४ को क्षेत्रीय कमिटीले सिफारिस गरेको हो ।

पोलिटव्यूरो सदस्य महतोको नाम क्षेत्र नम्बर ३ को क्षेत्रीय कमिटीले एकल नाम सिफारिस गरेको  एमाले धनुषाले बताएको छ ।