सिंहदरबारमा महाभियोग सिफारिस समितिको बैठक जारी

काठमाडौँ। सिंहदरबारमा महाभियोग सिफारिस समितिको बैठक सुरू भएको छ । सिंहदरवारस्थित संसद सचिवालयमा तोकिएको समयभन्दा झण्डै १ घण्टा पछि उक्त बैठक सुरु भएको हो ।

सर्वोच्च अदालतका निलम्बित प्रधानन्यायाधीश चोलेन्द्र शमशेर राणा बयानकालागि निर्धारित समयमै सिंहदरवार पुगेका छन्। उनलाई बैठकमा भने बालाइएको छैन । समितिका सदस्यहरुबीचको छलफलपछि मात्र राणालाई बैठकमा बोलाएर बयान लिने तयारी छ । 

सत्तारुढ दलले राणामाथि गत १ फागुनमा महाअभियोग लगाएपछि २३ फागुनमा प्रतिनिधिसभाले ११ सदस्यीय महाअभियोग सिफारिस समिति गठन गरेको थियो । सोही सिफारिस समितिले पहिलोपटक राणासँग बयान लिन लागेको हो ।
 
जबराविरुद्ध संघीय संसद् सचिवालयमा महाअभियोग प्रस्ताव दर्ता भएपछि उनको पद नै निलम्बनमा परेको थियो । सर्वोच्च अदालत बार एसोसिएसनले निलम्बित प्रधानन्यायाधीश जबराविरुद्धको महाअभियोग प्रस्तावबारे संसदीय सिफारिस समितिलाई यसअघि नै प्रमाण उपलब्ध गराइसकेको छ ।