महाअभियोग सिफारिस समितिको दोस्रो बैठक आज 

काठमाडौँ । निलम्बित प्रधानन्यायाधीश चोलेन्द्रशम्शेर जबराविरुद्धको महाभियोगमाथि अध्ययन गर्न गठित महाअभियोग सिफारिस समितिको बैठक आज पनि बस्ने भएको छ । समितिको बैठक आज दिउँसो २ बजे बस्ने भएको हो ।

आजको बैठकमा यसअघि वितरण भएको समितिको आन्तरिक कार्यविधि पास गर्ने र प्रधानन्यायाधीश जबरामाथिको अध्ययन कार्यतालिका पेश गर्ने कार्यसूची रहेको छ । यसैरी बैठकमा सभापति चयन, कार्यविधिलगायतका विषयमा छलफल हुने बताइएको छ । 

२२ फागुनमा गठन भएको समितिमा रामबहादुर विष्ट, मीनबहादुर विश्वकर्मा, एकवाल मियाँ, कल्याणीकुमारी खड्का, कृष्णभक्त पोखरेल, प्रमोद साह, यशोदा गुरुङ सुवेदी, रेखा शर्मा, लालबाबु पण्डित, विष्णुप्रसाद पौडेल र डा शिवमाया तुम्बाहाङ्फे सदस्य रहेका छन् ।