म राष्ट्रपतिको दौडमा हैन पार्टीको दौडमा छु: झलनाथ खनाल

काठमाडौँ । सत्ता साझेदार नेकपा एकीकृत समाजवादीका वरिष्ठ नेता झलनाथ खनालले आफू राष्ट्रपतिको दौडमा नरहेको दावा गरेका छन् ।

समाजवादी प्रेस सङ्गठनले साेमवार सदरमुकाम तम्घासमा आयाेजना गरेकाे पत्रकार सम्मेलनमा आएका नेता खनालले देश र पार्टीको आवश्यकताअनुसारको भूमिका निर्वाह गर्न आफू तयार भएकाले अहिलेको दौड राष्ट्रपतिका लागि नभएर पार्टीका निम्ति भएको ठोकुवा गरेका छन् ।

पत्रकार सम्मेलनमा राष्ट्रपतिभन्दा पहिले आफ्नो दौड भनेको सिङ्गो पार्टी सङ्गठन निर्माणमा रहेको बताए । उनले आफू सधैँ वाम एकताको पक्षमा रहेको समेत बताएका छन् । खनालले आफूले पदका लागि भनेर केहि मरिहत्ते नगरेको भनेका छन्। 

उक्त कार्यक्रममा बाेल्दै नेता खनालले एकीकृत समाजवादी पार्टी एक वर्षको अन्तरालमा राष्ट्रव्यापी पार्टी बन्न सफल भएको दाबी गरेका छन्।