मधेस प्रदेश : जनमत पार्टीले माग्यो मुख्यमन्त्री गद्दीको राजिनामा

काठमाडौं । डा. सीके राउत नेतृत्वको जनमत पार्टीले मधेस प्रदेशका मुख्यमन्त्री लालबाबु राउत गद्दीको राजीनामा मागेको छ ।

मुख्यमन्त्री बेटी बचाऊ, बेटी पढाऊ’ अभियानअन्तर्गत साइकल खरिदमा भ्रष्टाचार भएको ठहरसहित अख्तियार दुरुपयोग अनुसन्धान आयोगले विशेष अदालतमा मुद्दा दायर गरेपछि जनमत पार्टीले  मुख्यमन्त्री गद्दीको राजीनामा माग गरेको हो ।

बुधवार आयोगले साइकल खरिदमा १० करोडभन्दा बढी भ्रष्टाचार भएको भन्दै तत्कालिन प्रदेश सचिव यामप्रसाद भुसालसहित १० जनाविरुद्ध मुद्दा दायर गरेको थियो । आरोगले भ्रष्टाचार भएको निष्कर्ष निकालेकाले तत्काल मुख्यमन्त्री गद्दीले  राजीनामा दिनुपर्ने जनमत पार्टीको माग छ ।