नयाँ मन्त्रीहरुले भोलि सपथ लिने

काठमाडौं । नेकपा समाजवादीका तर्फबाट सरकारमा प्रतिनिधित्व गर्ने नयाँ मन्त्रीहरुको सपथग्रहण भोलि हुने भएको छ । प्रधानमन्त्री कार्यालयय निकट स्रोतका अनुसार सोमबार ११ बजे पछि सपथ गराउने कार्यक्रम रहेको छ । आइतबार नै मन्त्री फेरवदलको तयारी थियो । तर स्वास्थ्य मन्त्री बिरोध खतिवडाले सोमबार राष्ट्रियसभामा बिषयगत मन्त्रीका रुपमा जवाफ दिने कार्यक्रम भएकाले नउाँ मन्त्रीहरुको सपथ सोमबार सरेको स्रोतले बताएको छ । 

नेकपा समाजवादीबाट सोमबार सपथग्रहण गर्नेहरुमा सहरी विकास मन्त्री मेटमणि चौधरी, संस्कृति, पर्यटन तथा नागरिक उड्डयनमा जीवनराम श्रेष्ठ, श्रम तथा सामाजिक सुरक्षामा शेरबहादुर कुँवर,स्वास्थ्य मन्त्रीमा भवानी खापुङ र हिराचन्द्र केसी हुन् ।

नेकपा समाजवादीले नयाँ मन्त्रीहरु नियुक्तिका लागि गएको जेठ २२ मै नाम पठाएको थियो । तर बजेट पास नभएको भन्दै प्रधानमन्त्री शेरबहादुर देउवाले मन्त्री फेर्न अस्वीकार गर्दैआएका थिए । बजेटपछि पुनर्गठन गर्ने भन्दै देउवाले नेकपा समाजवादीका अध्यक्ष माधवकुमार नेपाललाई झुलाउँदैआए । तर प्रतिनिधिसभाबाट बजेट पास भएपछि पनि मन्त्री फेर्न देउवाले चासो नदेखाएपछि समाजवादीका अध्यक्ष नेपालले असन्तुष्टि प्रकट गरेका थिए ।

मन्त्रीहरु पदलोलुप भएर हस्ताक्षर संकलन गर्ने जस्ता कार्यमा पनि लागे । तर केही गर्दा पनि मन्त्रीबाट हट्नुपर्ने भएपछि धमाधम राजीनामा गरेका छन् ।