वागमतीकाे बजेटले काठमाडौंलाई अन्याय गर्याे: सांसद डाक्टर शाक्य

 हेटौंडा । बागमती प्रदेश सरकारले आर्थिक वर्ष २०७९/०८० का लागि ल्याएको बजेट प्रतिपक्षलाई अबहेलना गर्ने उदेश्यले ल्याएको भन्दै नेकपा (एमाले) का सांसदहरुले आलोचना गरेका छन् ।

पुर्वमन्त्री समेत रहनु भएका वागमती प्रदेशका सांसद डाक्टर अजयक्रान्ति शाक्यले बजेटमा एमालेकाे भावनालाई समेट्न नसकेको भन्दै आलाेचना गर्नुभयाे । `बजेट प्रतिपक्षलाई अबहेलना गर्ने उदेश्यले ल्याइएको छ,´ उहाँले भन्नुभयाे, `बजेटमा हाम्रो पार्टीको भावनालाई समेटिएको देखिदैन । कतिपय भने पुरानै कुराको कपी-पेष्ट गरिएको छ ।´ उहाँले बजेटको आकार बढेपनि स्रोत भर पर्दो नभएकालेे बजेट सस्तो लोकप्रियताका लागि मात्रै ल्याइएको पनि उहाँले आराेप लगाउनुभयाे ।

`बजेट काठमाडौका जनताका लागि हात लाग्यो शुन्य जस्तै देखियाे,´ उहाँले भन्नुभयाे, ´कतिपय बटेजसुन्दा ठिकै लाग्ने तर कार्यान्वयन नहुने खालकाे देखिएको छ ।काठमाडौँले सबैभन्दा बढी राजस्व बुझाउने तर बजेटमा कन्जुस्याइँ गर्ला काठमाडौंका जनतालाई अन्याय भएको छ ।´ वागमती प्रदेशले ७० अर्ब ९३ करोड ९२ लाख रुपैयाँको बजेट ल्याएको छ । यो बजेट चालु आर्थिक वर्षकोभन्दा करिब १३ अर्ब रुपैयाँले बढी हो । उहाँले बजेटको आकार बढेपनि स्रोत भर पर्दो नभएकालेे सस्तो लोकप्रियताका लागि मात्र भएको बताउनुभयाे ।