काठमाडौं । अबको करिब चार दिन भारी वर्षाको सम्भावना रहेको जल तथा मौसम विज्ञान विभागले जनाएको छ। जल तथा मौसम विज्ञान विभागले आइतबार एक विज्ञप्ति जारी गर्दै यो जानकारी दिएको हो ।
सोमबार रातिबाट मनसुन न्यून चापीय रेखा नेपालको तराई भू-भाग नजिक रहने तथा अरब सागरबाट समेत पर्याप्त जल वाष्पयुक्त हावा भित्रिनै संभावना देखिएकाले चार दिन जति नेपालको मनसुन सक्रिय हुने बताइएको छ । सोहीकारण देशको धेरैजसो स्थानमा हल्लकादेखि मध्य र केही स्थानमा भारी वर्षा हुने सम्भावना रहेको बताइएको छ ।
वर्षाका कारण नदी र खोलामा पानीको बहाव बढ्ने,पहाडि क्षेत्रमा भू-क्षय हुने, पहिरो जाने,सडक तथा हवाई यातायत प्रभावित हुने भएकाले आवश्यक सतर्कता अपनाउन समेत आग्रह गरिएको छ ।
