काठमाडौं । लोकसेवा आयोगले तीन डीआइजीलाई एआइजीमा बढुवा सिफारिस गर्ने निर्णय सदर गरेको छ । गृहमन्त्रालयका सचिव अध्यक्ष रहेको बढुवा समितिले गरेको निर्णय लोकसेवा आयोगले आज सदर गरेपछि अब एआइजी बढुवा गर्ने बाटो खुलेको छ ।
संभवतः भोलि बस्ने मन्त्रिपरिषदको बैठकले तीन डीआइजीलाई एआइजीमा बढुवा गर्नेछ । र, उनीहरुले भोलि नै दज्र्यानी चिह्न पनि लाउनेछन् ।
बढुवा सिफारिस समितिले १ चैतमा डीआईजीहरु बसन्त पन्त, धिरजप्रताप सिंह र रवीन्द्र धानुकलाई एआइजीमा बढुवा गर्ने निर्णय गरेको थियो । जुन निर्णयबिरुद्ध बरिष्ठ डीआइजीहरु घनश्याम अर्याल, इश्वरबाबु कार्की र प्रकाशजंग कार्कीले लोकसेवा आयोगमा उजुरी दिएका थिए । अर्यालसहितका तीन डीआइजीले वरिष्ठता र कार्यक्षमताको आधारमा बढुवा सिफारिस नभएको भन्दै आयोगमा उजुरी दिएका थिए ।
