काठमाडौं । नेपाल प्रहरीका महानिरीक्षक ठाकुर ज्ञवालीको आज बिदाई गर्ने कार्यक्रम तय भएको छ । ३० वर्षे सेवा अवधिका पूरा भएका कारण अनिवार्य अवकाश पाउन लागेका आइजीपी ज्ञवालीको बुधबार साँझ ५ बजे प्रहरी प्रधान कार्यालयमा एक कार्यक्रम आयाेजना गरेर बिदाई गरिने भएको हाे ।
साेही कार्यक्रममा ज्ञवालीसँगै ब्याचका प्रहरी अतिरिक्त महानिरीक्षक (एआईजी) तारिणीप्रसाद लम्साल र प्रहरी नायब महानिरीक्षक (डीआईजी) सूर्यप्रसाद उपाध्यायकाे पनि बिदाई हुने भएकाे छ ।
साे कार्यक्रममा लागि विभागका अधिकृतहरु उपस्थित हुने बताइएको छ ।
ज्ञवालीको अवकाशपछि प्रहरीको नेतृत्व शैलेश थापा क्षेत्रीले गर्नेछन् । क्षेत्रीलाई आईजीपी बनाउन सरकारले मंगलबार नै निर्णय गरिसकेको छ ।
नयाँ महानिरीक्षकको फूली लगाउने कार्यक्रम भने बिहीबारका लागि राखिएको छ ।
