कैलाली । सुदुरपश्चिम प्रदेशमा थप ३९ जनामा कोरोना भाइरस संक्रमण पुष्टि भएको छ । सेती प्रादेशिक अस्पताल धनगढीमा गरिएको परीक्षणमा थप ३९ जनामा कोभिड–१९ संक्रमण पुष्टि भएको हो ।
आज गरिएको परीक्षणमा कोरोना पुष्टि भएकामध्ये ९ जना महिला सहित ३० जना पुरुष रहेका छन् ।
पुष्टी भएकामध्ये अछाम मंगलसेनका २३ र ४२ वर्षका २ पुरुष, मेलौली बैतडीका २६ वर्षीया १ महिला, २६ र ४२ वर्षीया २ पुरुष, पुचौडी बैतडीका ८ महिनाकी बालिका, पाथीभरा बझाङ्गका २६ वर्षीया १ पुरुष रहेका छन् ।
शिखर डोटीका १९ वर्षीया १ पुरुष, केआईसिंह डोटीका ४० वर्षीया १ पुरुष, आदर्श डोटीका १९ वर्षीया १ महिला र २२, १५, ५०, १८, ३४, ३६, १८, २९, ३५ वर्षका ९ पुरुष रहेको सेती प्रादेशिक अस्पतालका सूचना अधिकारी दिलिप श्रेष्ठले जानकारी दिए । उनले कैलाली गोदावरीका ३०, २५ वर्षका २ महिला र ३०, ३८, २३, ७, ४०, ४७, ३०, २२ वर्षका ८ पुरुष, चुरे कैलालीका २१ वर्षीया १ महिला, ३४ वर्षीया १ पुरुष छन् । त्यसैगरी भीमदत्त कञ्चनपुरका ४७, २२, २२ वर्षीया ३ महिला, १७, २, ३५, ३० वर्षका ४ पुरुष र टिकापुर कैलालीका ५२ वर्षीया १ पुरुष रहेको उनले बताए ।
