ललितपुर । ललितपुरको टुटेपानीस्थित होस्टेलमा एक युवक मृत अवस्थामा फेला परेका छन् ।
हानगरीय प्रहरी परिसर ललितपुरका अनुसार ललितपुर महानगरपालिका-११ टुटेपानीस्थित रोहित पौडेलले एक भाडामा लिएर सञ्चालन गरेको रोयल ब्वोइज होस्टेलमा एक युवक मृत अवस्थामा फेला परेका हुन् ।
सप्तरी राजविराज घर भई हाल कुपण्डोल खरिबोट बस्ने २६ वर्षीय शरद यादव बिहीबार मृत फेला परेका हुन् ।
महानगरीय प्रहरी परिसर ललितपुरका प्रहरी उपरीक्षक सिद्धिविक्रम शाहले खएकाे जानकारी अनुसार शवमा बाहिरी चोटपटक देखिएको छैन । सुतेको अवस्थामा यादवकाे मृत्यु भएको देखिन्छ ।
शव हिजो नै फेला परे पनि मुचुल्का र शव उठाउने काम भने शुक्रबार बिहान मात्रै सुरू भएको हो।
यादवको पोष्टमार्टमको लागि अस्पताल लग्ने तयारी भइरहेको छ । घटना शंकास्पद भए/नभएको बारे पोष्टमार्टमपछि खुल्ने प्रहरीले जनाएको छ
