स्थानीय तहको चुनाव गर्न गाउँपालिका, नगरपालिका र जिल्ला समन्वय समितिको माग

काठमाडाैं । जनप्रतिनिधिहरूको तीन वटा संस्थाले  स्थानीय तहको निर्वाचन प्रक्रिया तत्काल सुरू गर्न माग गरेका छन्।

गाउँपालिका राष्ट्रिय महासंघ नेपाल, नेपाल नगरपालिका संघ र जिल्ला समन्वय समिति महासंघले संयुक्त विज्ञप्ति जारी गर्दै जेठभित्र स्थानीय तहको निर्वाचन गरिसक्न माग गरेका हुन्।

‘निर्वाचनको वातावरण सिर्जना गर्न निर्वाचन आयोग र सबै राजनीतिक दलहरूको समेत गम्भीर ध्यानाकर्षण गर्दछौं,’ संयुक्त विज्ञप्तिमा भनिएको छ।

आफूहरूले समयमा नै निर्वाचन होस् र एक दिन पनि स्थानीय सरकार जनप्रतिनिधिविहीन नहोस् भन्ने चाहेको उनीहरूले बताएका छन्।

निर्वाचन आयोगले स्थानीय तहको निर्वाचनको तयारी गरिरहेको छ। तर सरकारले निर्वाचन मिति घोषणा भने गरिसकेको छैन।

हेर्नुस् विज्ञप्ति: