बाबुराम भट्टराईको प्रश्न- हामी लास बनेर दिन काटिरहेका त छैनौं ?

काठमाडौँ । डा. बाबुराम भट्टराई सामाजिक सञ्जालहरुमा निकै सक्रिय रहने व्यक्ति हुन्।  दिनहुँ केही न केही बिषयलाई लिएर टिप्पणी गर्दै आएका भट्टराई पूर्वप्रधानमन्त्री समेत हुन्। 

कुनैबेला सामाजिक संजालबाटै ‘ब्याक अफ ओली’ (प्रधानमन्त्रीबाट ओली हटाउ) भन्ने अभियान चलाएका जसपा संघीय परिषद अध्यक्ष समेत रहेका भट्टराईले बिहीबार राति गरेको एक ट्वीट् निकै भाइरल भएको छ। 

भट्टराईले अमेरिकी लेखक तथा वैज्ञानिक बेन्जामिन फ्र्यांकलिनको एक भनाइलाई ट्विटरमा अनुवाद गर्दै हामी पनि लास बनेर दिन काटिरहेका त छैनौं भन्दै प्रश्न गरेका छन्। उनको यो प्रश्नमा धेरैले कम्नेट समेत गरेका छन्। 

भट्टराईले लेखेका छन्, ओहो, कस्तो तिखो तर सत्य वचन -“धेरै मानिस पच्चीस बर्षमै मर्छन् तर उनीहरूलाई पचहत्तर बर्ष नपुगेसम्म गाडिन्न/जलाइन्न !!” – बेन्जामिन फ्र्यांकलिन। हामी पनि लास बनेर दिन काटिरहेका त छैनौं ?’

ओहो,कस्तो तिखो तर सत्य वचन -“धेरै मानिस पच्चीस बर्षमै मर्छन् तर उनीहरूलाई पचहत्तर बर्ष नपुगेसम्म गाडिन्न/जलाइन्न !!” – बेन्जामिन फ्र्यांकलिन।हामी पनि लास बनेर दिन काटिरहेका त छैनौं? https://t.co/TNqqG1ptOM

— Baburam Bhattarai (@brb1954) January 13, 2022