एमसीसीका बिरुद्ध सरकारनिकट अनेरास्ववियु नै सडकमा ?

काठमाडौं । अमेरिकी परियोजना मिलेनियम च्यालेन्ज कर्पोरेसन(एमसीसी)बारे नेपाल कम्युनिष्ट पार्टीभित्र तीव्र विवाद छ । प्रधानमन्त्री केपी शर्मा ओली अघिल्ला सरकारले सम्झौता गरेकाले एमसीसी संसदबाट अनुमोदन गर्नुपर्ने पक्षमा छन् । तर नेकपाका अर्का अध्यक्ष पुष्पकमल दाहाल ‘प्रचण्ड’, बरिष्ठ नेता झलनाथ खनाल, स्थायी समिति सदस्य भीमबहादुर रावल लगायतका नेताहरु एमसीसी कुनै हालतमा पास गर्नै नहुने भन्दै बिरोधमा छन् ।

यसैक्रममा एमसीसीको बारेमा निर्णय गर्न बुधबार नेकपा स्थायी समिति बैठक बसेको थियो । उक्त बैठकमा एमसीसीका बारेमा छलफल भइरहँदा माइतीघरमा अनेरास्ववियूकै नेताहरु बिरोध प्रदर्शन गरिरहेका थिए । अनेरास्ववियुका केन्द्रीय सदस्यहरु बालकुमार केसी, योगेन्द्रबहादुृर बुढा, पवन कार्की, राजेश मैनाली लगायतले सामाजिक संजाल फेसबुक र ट्वीटर मार्फत् माइतीघर मण्डलामा एमसीसीबिरुद्ध प्रदर्शनमा सहभागी हुन आह्वान गरेका थिए ।

यी सबै नेकपामा तत्कालीन अखिल क्रान्तिकारीबाट एकता प्रक्रियामा आएका हुन् । उनीहरुले बिरोध प्रदर्शनमा जान आह्वान गर्दै अनेरास्ववियुका नेता सुरेन्द्र बस्नेतलाई पनि ट्याग गरेका छन् । एमसीसीको बिरुद्ध अनेरास्ववियुकै त्यो पनि तत्कालीन क्रान्तिकारीका नेताहरु नै सडकमा आउनुले यसमा नेकपाका कार्यकारी अध्यक्ष प्रचण्डकै निर्देशन त रहेको छैन भन्ने अनुमान पनि कतिपयले लगाएका छन् ।

एमसीसीको बिरुद्ध हुने प्रदर्शनीमा भाग लिन आह्वान गर्ने राजेश मैनाली खानेपानी तथा सरसफाइ मन्त्री विना मगरको सचिवालयमा कार्यरत छन् । उनी अनेरास्ववियु काठमाडौं जिल्ला कमिटीका सहसंयोजक हुन् । मन्त्रीकै सचिवालयमा काम गर्ने कर्मचारीले समेत एमसीसीको बिरोध जुलुसमा सहभागी हुन आह्वान गर्नुले ओली सरकार बिरुद्ध आफ्नै मन्त्रीसेमत लागेको देखिए बिरुद्ध आफ्नै मन्त्रीसेमत लागेको देखिएको छ ।