काठमाडौँ । विश्व फुटबलका ठूला स्टार मध्येका एक लियोनल मेस्सीलाई हालै कोरोना पोजिटिभ भएको छ । फ्रान्सेली क्लबको खेलअघि कोभिड टेस्ट हुँदा मेस्सीलाई कोरोना देखिएपछि फ्यानहरू निकै चिन्तित भएका थिए । मेस्सी विश्व फुटबलको सबैभन्दा ठूलो नाम हो, उनका करोडौंमा फ्यान फलोइङ छन् र उनको जीवनशैली पनि शानदार छ ।
रिपोर्टका अनुसार मेस्सीसँग सम्बन्धित धेरै रोचक तथ्यहरू छन्, जसले अर्जेन्टिनाका यी ठूला स्टारले कसरी विलासी जीवनशैलीको आनन्द लिन्छन् भनेर देखाउँछन्। मेस्सी होटलका मालिक हुन्, उनको आफ्नै निजी जेट पनि छ । समुद्र नजिकैको उनको घरमा समेत धेरै सुविधा छन् ।
केही समयअघि मेस्सी बार्सिलोनाबाट अलग भएर पीएसजी क्लबमा गएपछि उनको जीवनशैलीबारे एउटा रिपोर्ट सार्वजनिक भएको थियो । उनका अनुसार बार्सिलोनामा रहेको मेस्सीको घरलाई नो फ्लाई जोन घोषणा गरिएको छ । यस घरको मूल्य ५.५ मिलियन पाउन्ड पर्ने बताइएको छ।
उनकोको घरमा फुटबल मैदान, स्विमिङ पुल, इनडोर जिम र बालबालिकाको खेल मैदान छ । साथै, घरबाटै बेलेरिक सागरको दृश्य पनि देखिन्छ।
घर मात्र नभई मेस्सीसँग यात्रा गर्नको लागि निजी जेट पनि छ, जसमा उनी परिवारसँग घुम्न जान्छन्। मेस्सीको निजी जेटको पछाडिमा १० नम्बरको चिन्ह पनि राखिएको छ ।
मेस्सीको यो जेट अर्जेन्टिनाको एउटा कम्पनीले विशेष गरी बनाएको हो, जसमा मेस्सी र उनको परिवारका सदस्यको नाम पनि दर्ता छ । यसमा दुईवटा बाथरुम छन्, १६ जनाभन्दा बढी बस्ने व्यवस्था पनि छ।
यसैगरी मेस्सीसँग एउटा विलासी होटल पनि छ जुन उनको घर र समुद्रबाट केही छोटो पैदल दूरीमा छ, MiM Sitges, एउटा 77 बेडरूमको होटेल जसको भाडा एक रातको £105 सम्म छ। यस होटलको शीर्षमा एक बार पनि छ, जहाँबाट शहरको दृश्य देख्न सकिन्छ।
