काठमाडौं,३ असार। थप १३ जनामा कोरोना संक्रमण पुष्टि भएकोछ । गुल्मीमा आठ महिनाको शिशुसहित थप १० जना र अर्घाखाँचीमा ३ जनामा कोरोना संक्रमण पुष्टि भएको हो ।
प्रादेशिक प्रयोगशाला रुपन्देहीमा गरिएको परिक्षणमा रेसुङ्गा नगरपालिकामा ९ जना र सत्यवति गाउँपालिकामा एक जना गरी १० जनामा संक्रमण देखिएको हो । रेसुङ्गाका ९ जनामध्ये वडा नम्बर–४ का ८ महिनाको बच्चामा कोरोना संक्रमण पुष्टी भएको हो ।
उनीहरु सबै भारतबाट आएर क्वारेन्टाइनमा बसेकाहरु भएको बताइएको छ ।
अर्घाखाँचीमा भने ३ जना पुरुषमा कोरोना संक्रमण पुष्टि भएको हो ।
चितवनको भरतपुरस्थित ल्याबमा गरिएको परीक्षणमा २७, १८ र १९ वर्षका तीन जना पुरुषमा कोरोना संक्रमण पुष्टि भएको हो ।
उनीहरुमध्ये भूमिकास्थान नगरपालिकाका २ जना र मालारानी गाउँपालिकाका १ जना रहेका छन् ।
