अहिले नै माथिल्लो पदमा जान खोज्नु ‘लुडो’मा छिटोछिटो माथि चढेर फेदमा झर्नु जस्तै हो, त्यसैले म चौतारीमा बस्दै छु

काठमाडाैं । नेकपा (एमाले)का सचिव योगेश भट्टराईले १०औँ महाधिवेशनमा सचिवको उम्मेद्वार रहने  बताएका छन् ।

बुधबार चितवनमा पत्रकारसँग कुरा गर्दै उनले आफू १०औँ महाधिवेशनमा सचिवको उम्मेद्वार रहने र अहिलेनै माथिल्लो पदमा जान नखोजेको बताएका हुन् ।

उनले अहिलेनै माथिल्लो पदमा जान खोज्नु लुडोमा छिटोछिटो माथि चढेर तल झर्ने सम्भावना भएझैं हुने बताएउँदै आफू सचिवमै रहने जानकारी दिएका हुन् । 

उनले भने,‘लामो यात्रामा हिँड्दा कहिलेकाहीँ चौतारीमा बस्नुपर्छ। म अहिले चौतारीमा बस्दै छु। सचिव पदमा उठ्ने तयारी गरेको छु।’

भट्टराई काठमाडौंमा भएको नवौँ महाधिवेशनमा अध्यक्षमा प्रत्यासी माधवकुमार नेपालको प्यानलबाट प्रतिस्पर्धा गरेर सचिवमा निर्वाचित भएका थिए।