कालो कोटको आन्दोलनमा सेतो कोटको वक्तव्य, तत्काल सेवा सुचारु गर्न सरकारसँग माग

काठमाडौँ । प्रधानन्यायाधीश चोलेन्द्र शम्शेर जबराको राजिनामा माग्दै नेपाल बार एशोसिएशनले गरेको आन्दोलन प्रति नेपाल चिकित्सक संघले गम्भीर ध्यानाकर्षण भएको जनाएको छ।

संघले आज एक विज्ञप्ति जारी गर्दै कानूनी राज्य र विधिको शासन लागू गर्ने अदालतको गरिमा जोगाउन सहज र शान्तिपूर्ण वातावरण सिर्जना गरेर उत्पन्न समस्या हल गरेर तत्काल सेवा प्रवाह सुचारु गर्न सरकारसँग माग गरेको छ ।

‘नेपालको इतिहासमा न्यामूर्तिको रुपमा मानिएको सम्माननीय पदमा आसिन व्यक्ति विवादास्पद भई देशभरका सम्पूर्ण कानून व्यवसायीहरू आन्दोलित भइरहेका छन्,’ विज्ञप्तिमा भनिएको छ ।

यस्तै आन्दोलनका कारण कानूनी राज्य र विधिको शासनमाथि नै अवरोध सिर्जना भई न्याय सम्पादनमा देखिएको अवरोधले समग्र राष्ट्रकै गरिमामाथि गम्भीर आँच पुर्याएको नेपाल चिकित्सक संघले ठहर गरेको छ ।

हेर्नुहोस् विज्ञप्ति: