काठमाडौं । प्रधानन्यायाधीश चोलेन्द्र शम्सेर जबराको राजीनामा माग्दै काननु व्यवसायीले जारी राखेको आन्दोलनको रिपोर्टिङ गर्न जाने पत्रकारहरुलाई सर्वोच्च परिसरभित्र प्रवेश निषेध गरिएको छ ।
आइतबारसम् सर्वोच्च परिसरभित्रै प्रवेश गरी रिपोर्टिङ गर्दै आएका पत्रकारहरुलाई सोमबार भने पास भएकालाई समेत प्रवेशमा रोक लगाएको हाे ।
सर्वोच्च परिसरमा सुरक्षार्थ खटिएका एकजना प्रहरी अधिकृतका अनुसार आज पास भएका/नभएका सबै पत्रकारहरुलाई प्रवेश गर्न नदिन निर्देशन दिइएकाे छ ।
प्रधानन्यायाधीश जबरा मन्त्रिपरिषद सदस्यको भागबण्डामा मुछिएपछि उनीविरुद्ध नेपाल बार एशोसिएसनको अगुवाइमा कानुन व्यवसायीहरुले कात्तिक १४ गतेदेखि चरणबद्ध आन्दोलन गर्दै आएका छन् ।
