नेकपा समाजवादीको निर्णयः बंशीधर मिश्र स्थायी समितिमा पदोन्नति, रामचन्द्र झा र तारा जोशी केन्द्रीय सदस्य

काठमाडौं । नेकपा एकीकृत समाजवादीले रामचन्द्र झालाई सचिवालय समितिमा र एमाले छोडेका वंशीधर मिश्रलाई स्थायी कमिटीमा मनोनित गको छ ।

आइतबार सकिएको केन्द्रीय कमिटी बैठकले झालाई सचिवालय सदस्य र मिश्रलाई स्थायी कमिटीमा मनोनित गरेको हो ।

नेकपा एमाले पृष्ठभूमिका झा हाल नेकपा माओवादी केन्द्रमा थिए । एमाले विभाजन भएर एकीकृत समाजवादी बनेपछि झाले माओवादी छोडेका हुन् ।

यस्तै, मिश्रलाई स्थायी कमिटीमा  माले छोडेर आएका कुलप्रसाद फुँयाल, शंकर पोखरेल र निलमणि बराललाई केन्द्रीय सदस्यमा मनोनित गरेको छ ।

फुयाल पूर्वसांसद हुन् । उनी पनि एमाले पृष्ठभूमिका नेता हुन् । २०५४ मा पार्टी विभाजन हुँदा फुयाल मालेतिर लागेका थिए । मालेबाटै आएका श्यामराज राईलाई केन्द्रीय परिषद सदस्य र कारिप्रसाद यादव प्रदेश–२ को सदस्यमा मनोनित भएका छन् ।

एमाले डडेलधुरा अध्यक्ष छोडेर एकीकृत समाजवादी प्रवेश गरेका डा. तारा जोशीलाई पनि केन्द्रीय कमिटीमा मनोनित गरिएको छ ।