मधेशका खम्बा रामचन्द्र झा नेकपा समाजवादीमा प्रवेश गर्ने, माओवादी परित्याग

काठमाडौं । मधेशका चर्चित र लोकप्रिय नेता रामचन्द्र झाले नेकपा माओवादी परित्याग गरेका छन् । नेकपा एमाले, डा. बाबुराम भट्टराईको नयाँशक्ति हुँदै नेकपा माओवादी केन्द्रमा गएका उनी नेकपा (एकीकृत समाजवादी)मा प्रवेश गर्ने तयारीमा छन् । पछिल्लो समय उनी माओवादीमा सक्रिय थिएनन् । झाको माओवादी केन्द्रका नेता मातृका यादवसँग पनि सम्बन्ध राम्रो छैन । झा र यादव दुवै धनुषाका हुन् ।

 झा माओवादीले स्थायी समिति सदस्य नबनाएकोमा असन्तुष्ट थिए । झा एक हप्ताअघि भएको नेकपा माओवादीको स्थायी समिति बैठकमा सहभागी थिए । झाको नेकपा समाजवादी प्रवेशले सो पार्टीलाई प्रदेश २ मा अझ बलियो बनाएको छ ।

प्रदेश २ मा समाजवादी एमालेभन्दा बलियो छ । प्रदेश २ को संसदमा समेत एमालेभन्दा समाजवादीकै सांसद बढी छन् । प्रदेश २ मा एमालेका २१ प्रदेश सदस्यमध्ये ११ जना समाजवादीमा लागेका छन् ।