मिश्र पक्षको विधान संशोधनलाई निर्वाचन आयोगले दियो बैधता

काठमाडौं । विवेकशील साझा पार्टीमा अध्यक्ष रवीन्द्र मिश्र पक्षले गरेको विधान संशोधनलाई निर्वाचन आयोगले मान्यता दिएको छ ।

आयोगले बुधबार विज्ञप्ति जारी गर्दै विवेकशील साझाको विवरण अद्यावधिक भएको जानकारी गराएको छ ।

मिश्र नेतृत्वमा बसेको बहुमत केन्द्रीय सदस्यहरुको बैठकले विधान संशोधन गर्दै संयोजक मिलन पाण्डेको अधिकार खाेसेकाे थियाे भने संघीयता खारेजी र धर्म निरपेक्षताबारे जनमत संग्रहको पक्षमा उभिएको थियाे ।

त्यो निर्णयअनुसार विधान संशोधन र केन्द्रीय समिति सदस्य १२४ जना (५ जनाको राजीनामा र एक जनाको मृत्यु भएका कारण) कायम भएको जानकारी गराउँदै विवरण अद्यावधिक गर्न पत्र लेखेको थियो ।

 

हेर्नुहोस् विज्ञप्तिको पूर्णपाठ :