काठमाडाैं । नेकपा (एमाले)को प्रथम विधान महाधिवेशन गोदावरीको सनराइज सम्मेलन केन्द्रमा सुरु भएको छ ।
पार्टीका अध्यक्ष केपी शर्मा ओलीले महाधिवेशनको लोगो सार्वजनिक गरेर समारोहको उद्घाटन गरेका छन् ।
समारोहको उद्घाटन सँगै सुरू भएकाे विधान महाधिवेशनमा अध्यक्ष ओलीले पार्टी विभाजनको दोष माधवकुमार नेपालमाथि थोपार्दै ४४ पृष्ठ लामो राजनीतिक प्रतिवेदन पेश गरेका छन् ।
उनले पार्टी विभाजनका लागि मलजल गर्ने काम तत्कालीन नेकपाका अध्यक्ष पुष्पकमल दाहाल ‘प्रचण्ड’ ले पनि गरेको आरोप लगाएका छन् ।
एमालेको प्रथम विधान महाधिवेशनमा अध्यक्ष ओलीद्वारा प्रस्तुत राजनीतिक प्रतिवेदनमा प्रचण्डको सोच र व्यवहारप्रति असहमति रहेको उल्लेख छ । ‘माओवादी केन्द्र, मुलतः ‘प्रचण्ड’ का अस्थिर, अवसरवादी एवं विभाजनकारी सोच र व्यवहारप्रति हाम्रो विमति छ’, प्रतिवेदनमार्फत ओलीले भनेका छन् ।
हेर्नुस् प्रतिवेदन
