अचानक ओलीकाे स्वास्थ्यमा समस्या, महाधिवेशनमा प्रतिवेदन प्रस्तुत गर्दागर्दै बीचमै छाडे

काठमाडाैं ।  नेकपा एमाले अध्यक्ष केपी शर्मा ओलीकाे स्वास्थ्यमा समस्या आएकाे छ ।

शुक्रबार ललितपुरको गोदावरीमा सुरू भएको प्रथम विधान महाधिवेशनमा राजनीतिक प्रस्ताव पेस गरिरहेकाे समय स्वास्थ्यमा समस्या आएपछि उनले राजनीतिक प्रस्ताव पेस गर्ने जिम्मा नेता शंकर पोखरेललाई दिएका छन् । 

ओलीले आफूलाई रूघाखोकीका कारण समस्या भएको भन्दै प्रस्ताव पेस गर्ने जिम्मा पोखरेललाई दिएर बीचमै छाडेका हुन् । ओलीले जिम्मा दिएसँगै पोखरेलले प्रतिवेदन पेस गरिरहेका छन् । 

आजदेखि सुरु भएको नेकपा एमालेको प्रथम विधान महाधिवेशनमा प्रस्तुत हुने विधान संशोधन प्रस्तावमा ५ जना उपाध्यक्षको व्यवस्था गर्ने उल्लेख गरिएको छ ।