एमाले विधान महाधिवेशनः सहभागीलाई गाँस, बास र गाडीकाे व्यवस्था

काठमाडाैं । एमालेले भोलि (शुक्रबार) बाट सुरु हुने विधान महाधिवेशनको सबै तयारी सकिएको बताएको छ ।

महाधिवेशन मूल आयोजक समितिका संयोजक रामबहादुर थापा ‘बादल’ले पत्रकार सम्मेलनमार्र्फत तयारी पूरा भएको बताउँदै तीन दिनसम्म गरिने कार्यसूची सार्वजनिक गरेका छन् । 

बादलका अनुसार ६ हजार प्रतिनिधि सहभागी हुने भनिएको महाधिवेशनमा सहभागीहरूले बिहानको खाना र दिउँसोको खाजा पार्टीको तर्फबाट पाउने छन् भने बेलुकीको खाना र बासस्थानको भने आफैँले व्यवस्थापन गर्नुपर्नेछ । 

सवारीसाधन नहुने जनप्रतिनिधिलाई सातदोबाटोबाट पार्टीका झन्डावाल गाडीले महाधिवेशनस्थल गोदावारी लैजानेछ भने बेलुका सातदोबाटोमै ल्याएर छाड्नेछ । सातदोबाटोभन्दा टाढा बासस्थान भएकाले आफ्नै खर्चमा यात्रा गर्नुपर्ने बादलले जानकारी गराए ।