बादलमाथि प्रचण्डको आक्राेश, त्यसकाे त नाम सम्झिँदा पनि एलर्जी हुन्छ

काठमाडाैं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले हिजोको साथमा साथ मिलाएर हिड्ने साथीले आफूलाई धाेका दिएकाे भन्दै अब उसकाे नाम सुन्दा पनि एलर्जी हुने बताएका छन् ।

वाइसीएल काभ्रेको पाँचखाल नगर सम्मेलनलाई बिहीबार सम्बोधन गर्दै प्रचण्डले जसलाई गृहमन्त्री बनाएर सरकारको नेतृत्व  दिए उसैले धाेका दिएकाे भन्दै गुनासाे गरेका हुन् ।

उनले टोपबहादुर रायमाझी र रामबहादुर थापा बादको नाम लिँदै भने, ‘त्यो टोपबहादुर भन्नेलाई मैले कति चोटी मन्त्री बनाएँ अहिले त कहाँ हेर्नुस् त । त्यो बादल मेरो हिजोको साथी, बढि त भन्दिन अहिले तर एलर्जी हुन्छ, सम्झिँदा पनि….कहाँबाट ल्याएर गृहमन्त्रीसहित सरकारको तपाई नेतृत्व गर्नुस् भनेर बनाएको त..?’