गभर्मेन्ट सटडाउनबारे कमल थापा भन्छन् -अपवित्र गठबन्धन सरकार र व्यवस्थाको असफलता पुनः पुष्टि भयो

काठमाडौं । राष्ट्रिय प्रजातान्त्रिक पार्टी (राप्रपा)का अध्यक्ष कमल थापाले समयमा बजेट पारित नभएका कारण हालको गठबन्धन सरकार र व्यवस्थाको असफलता पुनः पुष्टि भएको बताएका छन्।

अध्यक्ष थापाले बिहीबार बिहानै सामाजिक सञ्जालमार्फत् सत्ता गठबन्धनलाई ‘अपवित्र गठबन्धन’को नाम दिँदै समयमा बजेट पारित नभएकाले नेपालको इतिहासमा पहिलोपटक देश बजेटविहिन(गभर्मेन्ट सटडाउन)को अवस्थामा पुगेको बताएका छन् ।

यस्तै, उनले परिवर्तनको संवाहक भन्नेहरूले नै पटकपटक संघिय गणतन्त्रको चिरहरण गरेको बताए।

फेसबुकमा थापाले लेखेका छन्, ‘समयमा बजेट पारित नभएकाले नेपालको ईतिहासमा पहिलोपटक देश बजेटविहिन(गभर्मेन्ट सटडाउन)को अवस्थामा पुग्नुले वर्तमान ‘अपवित्र’गठबन्धन सरकार र व्यवस्थाको असफलतालाई पुनःपुष्टि गरेको छ। परिवर्तनको संवाहक भन्नेहरूले नै पटकपटक संघिय गणतन्त्रको चिरहरण गरेका छन्। पुनर्विचार गर्न ढिलो नगरौँ’

समयमा बजेट पारित नभएकाले नेपालको ईतिहासमा पहिलोपटक देश बजेटविहिन(गभर्मेन्ट सटडाउन)को अवस्थामा पुग्नुले वर्तमान ‘अपवित्र’गठबन्धन सरकार र व्यवस्थाको असफलतालाई पुनःपुष्टि गरेको छ।
परिवर्तनको संवाहक भन्नेहरूले नै पटकपटक संघिय गणतन्त्रको चिरहरण गरेका छन्।
पुनर्विचार गर्न ढिलो नगरौँ

— Kamal Thapa (@KTnepal) September 16, 2021