एमालेले लगातार संसद अवरोध गरेपछि सभामुखले बोलाए शीर्ष नेताको बैठक

काठमाडौं । प्रमुख विपक्षी दल नेकपा एमालेले लगातार संसद अवरोध गरेपछि  सभामुख अग्निप्रसाद सापकोटाले संसद अवरोध अन्त्य गर्ने विषयमा छलफल गर्न शीर्ष नेताहरूलाई सोमबार बोलाएका छन् । 

एमाले पार्टीले कारबाही गरेका १४ सांसदलाई सभामुखले पदमुक्त नगरेको भन्दै एमालेले निरन्तर संसद बैठक अवरुद्ध गरिरहेको बेला सहमतिको प्रयासस्वरुप सभामुखले सर्वदलीय बैठक बोलाएका हुन् । 

सभामुख सापकोटाका प्रेस सल्लाहकार श्रीधर न्यौपानेका अनुसार उनले सोमबार दिउँसो साढे २ बजे छलफलमा नेताहरूलाई बोलाएका छन् ।

यसैबीच सरकार प्रतिपक्षी दलसँग वार्ता र छलफलबाट समस्याको निकास खोज्न तयार रहेकाे न्यौपाने जानकारी दिए ।