एमालेको विधान महाधिवेशन : को–को हुँदैछन् सहभागी

काठमाडौं। प्रमुख प्रतिपक्षी दल नेकपा  एमालेले विधान महाधिवेशनमा भाग लिन पाउने प्रतिनिधिहरुको  नाम टुंगो लगाएको छ । आज  च्यासलस्थित तुल्सीलाल प्रतिष्ठानमा बसेको स्थायी कमिटी बैठकले करिब तीन हजार प्रतिनिधिको सैद्धान्तिक टुंगो लगाएको हो ।

एमाले प्रचार विभागका प्रमुख योगेश भट्टराईका अनुसार राष्ट्रिय प्रतिनिधि परिषद् नरहेकोले विधानको बाधा अड्काउ फुकाउँदै एमालेले कुन–कुन तहबाट कति सदस्यले विधान महाधिवेशनमा भाग लिन पाउने भन्ने टुंगो लगाइएको हो ।

‘हामीले ९ औं महाधिवेशनपछि प्रतिनिधि परिषद् गठन गर्नुपर्ने हो । त्यो बाँकी नै थियो । त्यही कारण विधान संशोधन गर्दै बाधा अड्काउ फुकाउमार्फत विधान अधिवेशनमा भाग लिने क्षेत्र निर्धारण गरेका हौँ,’ भट्टराईले भने । एमालेले असोज ४ देखि ६ गतेका लागि तय गरिएको विधान महाधिवेशन असोज १५ देखि १७ गतेलाई सारेको छ ।
विधान महाधिवेशनका लागि असोज ३ र ४ गते स्थायी समिति बैठक बस्ने, बैठकमा विधान मस्यौदा, राजनीति र सांगठनिक प्रतिवेदनमाथि छलफल भट्टराईले बताए ।

विधान अधिवेशनमा सहभागी हुने प्रतिनिधिको विवरण
 १ अनुशासन आयोगका पदाधिकारी र सदस्य

२ लेखा परीक्षण आयोगका पदाधिकारी र सदस्य

३ निर्वाचन आयोगका पदाधिकारी र सदस्य

४ केन्द्रीय विभागका सचिवलगायत १५ जना

५ सल्लाहकार परिषद्का पदाधिकारी र सदस्य

६ ज्येष्ठ कम्युनिष्ट मञ्चका पदाधिकारी र सदस्य

७ प्रदेश र सो सरहका कमिटीका पदाधिकारी र सदस्य

८ जिल्ला कमिटी र सोसरह मान्यता पाएका कमिटीका पदाधिकारी र सदस्य

९ हरेक निर्वाचन क्षेत्रबाट दलित, महिला र खुलातर्फ एक–एक सदस्य

१० प्रत्येक जनवर्गीय संगठनका पदाधिकारीमध्येबाट १० जना

११ पार्टी सदस्य रहेका संघीय संसदका सदस्य

१२ पार्टी सदस्य रहेका प्रदेशसभा सदस्य

१३ एमालेबाट निर्वाचित स्थानीय तहका प्रमुख र उपप्रमुख

१३ एकता प्रक्रिया र विभिन्न ठाउँबाट छुटेका १० प्रतिशत मनोनीत
१४ केन्द्रीय कमिटीका पदाधिकारी र सदस्य