एमाले परित्याग गरेका बामदेव गौतम नेकपा समाजवादीमा पनि अटाएनन्

काठमाडौं । नेकपा एमाले परित्याग गरेका नेता बामदेव गौतम माधवकुमार नेपाल नेतृत्वको नेकपा एकीकृत समाजवादी (एस)को स्थायी कमिटीमा पनि अटाउन सकेनन् ।

नेकपा एमालेबाट विभाजित भएर बनेकाे एसले पाँच सदस्यीय स्थायी कमिटी गठन गरिएको छ । तर उक्त कमिटीमा शुक्रबार  नेकपा एमाले परित्याग गरेका वामदेव गौतमलाई भने राखिएको छैन । 

पार्टीले जारी गरेको अन्तरपार्टी निर्देशन–१ मार्फत अध्यक्ष माधवकुमार नेपाल, वरिष्ठ नेता झलनाथ खनाल, मुकुन्द न्यौपाने, डा. बेदुराम भुसाल र प्रमेश हमाल रहेको स्थायी कमिटी गठन गरेको जानकारी गराएका छन् । 

अपानीमा पार्टीको राष्ट्रिय सम्मेलनबाट केन्द्रीय कमिटीलाई पूर्णता दिएर पदाधिकारी चयन नहुँदासम्म काम गर्नको लागि अध्यक्ष नेपाल, वरिष्ठ नेता कमरेड झलनाथ खनाल र नेकपामा हुँदा स्थायी कमिटी सदस्य रहेकाहरु मुकुन्द न्यौपाने, डा. बेदुराम भुसाल, प्रमेश हाल रहेको कमिटी गठन गरिएको उल्लेख गरिएको छ ।