प्रचण्ड र नेपालबीच भेटवार्ता, मन्त्रिपरिषद विस्तारबारे छलफल

काठमाडाैं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ ।

 बिहीबार बिहान माओवादी संसदीय दलको कार्यालय सिंहदरबारमा प्रचण्ड र नेपालबीच छलफल भएको स्राेतले बताएकाे छ ।

स्राेतका अनुसार सरकारमा सहभागिता र सरकारका काममा बिषयमा उनीहरूबीच करिब २० मिनेट जति  छलफल भएको थियाे । 

नेपालले दर्ता गराएको नेकपा एकीकृत समाजवादीले निर्वाचन आयोगबाट मान्यता पाएपछि मन्त्रिपरिषदलाई पूर्णता दिने भनिए पनि विभाजित पार्टीका जनप्रतिनिधिहरुलाई दल रोज्ने  दिइएकाे समय पूराभएपछि मात्रै मन्त्रिपरिषदलाई पूर्णता दिने देखिन्छ । 

निर्वाचन आयोगले विभाजित पार्टीका जनप्रतिनिधिहरुलाई दल रोज्ने विकल्प भदौ २२ गतेसम्म दिएको छ ।

हाल एमालेबाट अलग भएको नेकपा एकीकृत समाजवादी र जनता समाजवादी पार्टी (जसपा) बाट अलग भएको लोकतान्त्रिक समाजवादी पार्टीका प्रदेश र स्थानीय तहका जनप्रतिनिधिहरुको सनाखत गर्ने क्रम जारी छ ।