कांग्रेसको १४ औं महाधिवेशन नजिकिएसँगै पौडेल पक्षका जिल्ला सभापतिहरु छलफलमा

फाइल फोटो 

काठमाडौं ।नेपाली कांग्रेसको १४ औं महाधिवेशन नजिकिएसँगै नेताहरुले छलफल र भेटघाटलाई तीव्र पारेका छन्। 

अहिले नेपाली कांग्रेसका वरिष्ठ नेता रामचन्द्र पौडेल पक्षको बैठक नेता प्रकाशमान सिंहको निवास चाक्सीबारीमा जारी छ ।आज शनिबार  पौडेल पक्षीय जिल्ला सभापतिहरुसँगको छलफलका लागि  सिंहको निवास चाक्सीबारीमा बैठक बसिरहेको छ ।

बैठकमा क्रियाशील सदस्यता विवादका विषयमा समेत छलफल हुने जनाइएको छ । बैठकमा रामचन्द्र पौडेल, शशांक कोइराला, प्रकाशमान सिंह, अर्जुननरसिंह केसीलगायतका नेताहरुका साथमा जिल्ला सभापतिहरुको सहभागिता रहेको छ ।

पौडेल पक्षका नेताको शुक्रबार बसेको बैठकले व्यावहारिक कठिनाइ अन्त्य गरेर महाधिवेशन गर्नुपर्ने निष्कर्ष निकालेको थियो ।