सरकारले ल्याएको दलसम्बन्धी अध्यादेशविरुद्धकाे रिटमा आज सुनुवाइ हुँदै

काठमाडौँ । सरकारले ल्याएको राजनीतिक दल विभाजन सम्बन्धि अध्यादेशबिरुद्ध परेको रिटमाथि शुक्रबार सुनुवाइ हुने भएको छ ।

सरकारले ल्याएको राजनीतिक दलसम्बन्धी (दोस्रो संशोधन) अध्यादेश, २०७८ बदर गर्न आदेशको माग गर्दै सर्वोच्च अदालतमा छ थान रिट निवेदन दायर भएका छन् । सोही रिटमाथि आज अदालतले सुनुवाई गर्ने भएको हो । 

अदालतमा अधिवक्ताहरु अर्जुनकुमार अर्याल र सकुन्तला भुसाल, अधिवक्ता निकेशकुमार लम्साल र अनुपा अर्याल, अधिवक्ता प्रवेश केसी, अधिवक्ता श्रीकान्त बराल, अधिवक्ता दलबहादुर धामी, सरोज बुढाथोकी र आशिष श्रेष्ठले छुट्टाछुट्टै रिट निवेदन दायर गरेका छन् । 

सरकारले सङ्घीय संसद्को अधिवेशन अन्त्य गरेको भोलिपल्टै अध्यादेश ल्याउनु गैरसंवैधानिक भएकाले सरकारको उक्त निर्णय बदर गर्न अन्तरिम आदेशको माग रिट निवेदनमा गरिएको छ ।