मन्त्रालयको भागबण्डा मिल्यो, नेकपा एकीकृत समाजवादीले पाँच मन्त्री पाउने

काठमाडौं । सत्तारुढ गठबन्धन  नेपाली काँग्रेस, नेकपा (माओवादी केन्द्र), नेकपा (एकीकृत समाजवादी) र जनता समाजवादी पार्टी (जसपा)बीच मन्त्रालयको भागबण्डा मिलेको छ ।

बुधबार निर्वाचन आयोगले नेकपा एकीकृत समाजवादी दर्ताको प्रमाण पत्र दिएसँगै नेपाललाई सरकारमा जाने बाटो खुलेपछि भदौ १३ गतेपछि मन्त्रिपरिषद् विस्तार हुने भएकाे छ ।

गठबन्धन दलबीच भएको सहमतिअनुसार माधव नेतृत्वको एकीकृत समाजवादीले ५ मन्त्री र एक राज्य मन्त्री पाउने भएको छ ।

२५ सदस्यीय मन्त्रीमण्डलमा नयाँ सहमतिअनुसार काँग्रेसबाट प्रधानमन्त्रीसहित ७ जना सरकारमा सहभागी हुने अवस्था छ । यस्तै माओवादी, एकीकृत समाजवादी र जसपाले ५–५ मन्त्री र १–१ राज्यमन्त्री पाउने सहमति भएको छ । 

मन्त्रालय भागभण्डमा माधव नेपाल नेतृत्वको एकीकृत समाजवादीलाई प्राथमिकता दिएको एक काँग्रेस नेताले बताए । तर, अहिलेसम्म मन्त्रालयगत भागबण्डा भने मिलिसकेको छैन । काँग्रेसले गृह र माओवादीले अर्थ मन्त्रालय लिइसकेको छ ।