नेकपा (एकीकृत समाजवादी) को दल दर्ताको सनाखत सकियो

काठमाडाैं । माधव नेपाल नेतृत्वको नेकपा (एकीकृत समाजवादी) को दल दर्ताको सनाखत सकिएको छ ।

नेकपा एकीकृत समाजवादी दल दर्ताका लागि निर्वाचन आयोगले गराएको सनाखतमा ३० सांसद र ५५ जना केन्द्रीय सदस्यहरुले आयोग पुगेर हस्ताक्षर गरेका छन् । 

सरकारले राजनीतिक दल विभाजनका लागि केन्द्रीय समिति वा संसदीय दलमा २० प्रतिशत सदस्य संख्या भए पुग्ने अध्यादेश ल्याएपछि नेपालले दल दर्ताका लागि आयोगमा निवेदन दिएका थिए ।  

सो निवेदनपछि दल दर्ताको प्रमाणपत्र दिन आयोगले आज सनाखत गर्न नेताहरुलाई बोलाएको थियो । सोही क्रममा नेकपा एसका ३० सांसद र ५५ जना केन्द्रीय सदस्यहरु आयोग पुगेर सनाखत गरेका हुन् ।