लामाे समयपछि एमाले स्थायी कमिटी बैठकमा तेस्रो धारको ‘इन्ट्री’

काठमाडाैं । नेकपा एमालेका अध्यक्ष केपी शर्मा ओलीसँग असहमति जनाउँदै लामाे समय देखि स्थायी कमिटी बैठकमा उपस्थित नभएका माधवकुमार नेपाल पक्षीय स्थायी कमिटी सदस्य अन्तत: बैठकमा सहभागी भएका छन् ।

मंगलबार दिउँसो च्यासलस्थित तुलसीलाल अमात्य स्मृति प्रतिष्ठानमा भएको बैठकमा नेपाल पक्षीय १० जना स्थायी कमिटी सदस्यहरु झण्डै ६ महिनापछि आज उपस्थित भएका हुन् ।

यसअघि नेपाल पक्षमा रहेका भीम रावल, अष्टलक्ष्मी शाक्य, युवराज ज्ञवाली, अमृत बोहोरा, योगेश भट्टराई, गोकर्ण बिष्ट, घनश्याम भुसाल, भीम आचार्य, सुरेन्द्र पाण्डे र रघुजी पन्त बैठकमा सहभागी भएका हुन् । 

उनीहरू सबैले सोमबार बालकोटस्थित ओली निवासमा पुगेर उनीसँग छलफल गरेका थिए । सोमबार भएको छलफलमा अध्यक्ष ओली १० बँदे सहमति कार्यान्वयन गर्न सहमत भएपछि नयाँ पार्टीमा नगएका नेताहरु एमाले बैठकमा गएका हुन् ।