नेकपा एकीकृत समाजवादीकाे तर्फबाट उप-प्रधानमन्त्री बन्दै बामदेव गौतम

काठमाडौं । नेकपा विभाजन भएपछी आफू एकता तर्फ लाग्ने बताईरहेका एमालेका उपाध्यक्ष बामदेव गौतम पनि अहिले माधव नेपालको पक्षमा खुलेर लागेका छन् ।

कहिले केपी ओली सपोटमा उभिने कहिले नेपाललाई साथ दिने गरेर दोधारे भूमिकामा रहेका गौतम अहिले माधव नेपालले नयाँ दल दर्ता गर्न निवेदन दिएसंगै आफू एमाले छोडेर नेकपा एकीकृत समाजवादी तर्फ खुलेका हुन् । 

गौतमले पहिले आफूलाई माधव नेपाल र केपी ओलीको एकता हुनुपर्छ भन्ने तर्क प्रस्तुत गर्दै आफू एमाले एकीकरणको पक्षमा रहेको बताउने गरेका थिए ।

माधव नेपाल निकट श्रोतका अनुसार बामदेव गौतमलाई माधव नेपालले सरकारमा जाँदा उप(प्रधानमन्त्री बनाउने वाचा गरेका छन् जसका कारण बामदेव गौतम खुलेर लागेका हुन् ।

बामदेव गौतमले उप(प्रधानमन्त्री सहित गृहमन्त्री मागिरहेका छन् तर शेरबहादुर देउवाले गृहमन्त्री नदिने निर्णय गरेका छन् । गृहमन्त्री नपाए रक्षा मन्त्रालय मागेका छन् नेता गौतमले ।

माधव नेपालको नयाँ दलको दर्ता प्रक्रिया पूरा भएसंगे मन्त्रीपरिषदको बिस्तार गर्ने कुरा छ । माधव नेपालको दलबाट उप(प्रधानमन्त्री बन्न बामदेव गौतम नेकपा एकीकृत समाजवादी तर्फ खुलेका हुन् ।