एमसीसीबारे प्रष्ट पार्न प्रचण्डलाई दबाब

काठमाडौं । अमेरिकन सहयोग परियोजना मिलिनियम चाइलेन्ज कर्पाेरेशन (एमसीसी) कम्प्याक्ट सम्झौताबारे स्पष्ट पार्न अध्यक्ष पुष्पकमल दाहाल प्रचण्डमाथि दबाब सृजना भएकाे छ ।

शनिबारबाट माओवादीको केन्द्रीय समितिको बैठकमा नेकपा माओवादी केन्द्रका नेताहरुले एमसीसीबारे स्पष्ट पार्न अध्यक्ष प्रचण्डसहित नेतृत्व तहलाई दबाब दिएका हुन् । 

केही समूहका नेताहरुले एमसीसी खारेजसमेत गर्नुपर्ने सुझाव दिए पनि धेरैले एमसीसीबारे स्पष्ट पार्न भनेका छन् ।

प्रचण्ड प्रधानमन्त्री हुँदा २०७४ मा अमेरिकासँग एमसीसी सम्झौता भएको थियो । उक्त सम्झौता अनुमोदनका लागि संघीय संसदमा दर्ता भएको छ । तर, संसदमा विचाराधीन अवस्थामा रहेका बेला माओवादीभित्र स्पष्ट पार्न नेतृत्वमाथि दबाब परेको हो । 

 बैठकमा अध्यक्ष प्रचण्डले पेस राजनीतिक तथा सांगठानिक प्रस्तावमाथि आइतबार समूहगत रुपमा छलफल भएको छ । 

उक्त प्रस्तावमाथि ८ वटा समूहमा छलफल भएर समूहका नेताहरुले सुझावसमेत दिइसकेका छन् । छलफलको निष्कर्षसहित सुझाव दिनेक्रममा समूहका नेताहरुले एमसीसीबारे प्रष्ट पार्न अध्यक्ष प्रचण्डमाथि दबाब दिएका छन् ।