सभामुख भन्छन्: एमसीसी हरेक नागरिकको चासो र चिन्ताको विषय हाे, राष्ट्रिय सहमतिमा पारित गर्नुपर्छ

काठमाडौं । सभामुख अग्निप्रसाद सापकोटाले अमेरिकी सहयोग परियोजना मिलिनियम चाइलेन्ज कर्पाेरेशन (एमसीसी) राष्ट्रिय सहमति कायम गरेर पारित गर्नुपर्ने बताएका छन् ।

बुधबार सिंहदरबारस्थित आफ्नै कार्यकक्षमा पत्रकारसँग कुरा गर्दै सभामुख सापकोटाले हरेक नागरिकको चासो र चिन्ताको विषय भएकाले राष्ट्रिय सहमतिमा एमसीसी पारित गर्नुपर्ने बताएका हुन् । 

उनले एमसीसीबारे आफूले तटस्थ भएर अध्ययन गरिरहेको पनि जानकारी दिए ।

एमसीसी संसदमा दर्ता भएको छ । तर, प्रतिनिधि सभा बैठकमा प्रस्तुत नगरेको आरोप लागेका सभामुख सापकोटाले एमसीसी पारित गर्न संसदमा प्रतिनिधित्व गर्ने दलहरुबीच सहमति हुनुपर्ने बताए ।

यदी संसदम प्रतिनिधित्व गर्ने दलहरुबीच सहमति हुन नसके सत्ता गठबन्धनमा रहेका दलहरुबीच भने पनि सहमति हुनुपर्नेमा उनको जोड छ ।