डा. कँडेलकाे आरोप: संयुक्त सरकारकाे साझा कार्यक्रम देशमा अराजकता सिर्जना गर्ने गरि ल्याइयाे

काठमाडौँ । राष्ट्रिय योजना आयोगका पूर्वउपाध्यक्ष डा. पुष्पराज कँडेलले संयुक्त सरकारकाे साझा न्यूनतम कार्यक्रम देशमा अराजकता सिर्जना गर्ने गरि ल्याएको आरोप लगाएका छन् ।

तीन तहको सरकार सञ्चालनको सन्दर्भमा देखिएका कमि, कमजोरीलाई स्पष्ट रुपमा पहिचान गरि सम्बन्धित समस्याको समाधान खोज्नुपर्नेमा यस कार्यक्रमले संघीय सरकारका विरुद्धमा पूर्वाग्रह राखेको उनले बताएका छन् ।

उनले साझा न्यूनतम कार्यक्रमले विकास निर्माणका काममा राज्यको भूमिकालाई न्यूनिकरण गरेको पनि बताए ।

सन् २०२६ सम्ममा नेपाललाई अल्पविकसित देशबाट विकासशिल देशमा लैजाने निर्णय भइसकेको उल्लेख गर्दै उनले यस विषयलाई नसमेटिएको बताए । त्यसैगरी दीगो विकासका लक्ष्यका विषय पनि समावेश नभएको उनको भनाइ छ।

साझा न्यूनतम कार्यक्रम लय मिलेको दस्तावेज भन्दा पनि विभिन्न किसिमका धारहरु जोडेर बनाइएको संयुक्त दस्तावेज जस्तो देखिएको उनले टिप्पणी गरे ।

कोभिड १९ का कारण थलिएको अर्थतन्त्रलाई पुर्नजिवित गर्ने कुरा प्राथमिकतामा नपरेको कुरा पनि उनले उल्लेख गरे ।