बालुवाटारमा सत्ता गठबन्धनको कार्यदल बैठक, न्यूनतम साझा कार्यक्रमलाई हस्तान्तरण गरिंदै

काठमाडौं । सत्तारुढ गठबन्धनको कार्यदल बैठक आज पनि बस्दै छ। 

प्रधानमन्त्री निवास बालुवाटारमा बिहान ९ बजे बस्ने बैठकले सरकारको न्यूनतम साझा कार्यक्रमलाई अन्तिम रुप दिई शीर्ष नेतृत्वलाई हस्तान्तरण गर्ने कार्यदलका एक सदस्यले जानकारी दिए। 

यसअघि सोमबार विहान बसेको बैठकले सरकारको न्यूनतम साझा कार्यक्रमको खाका तयार पारेको थियो।

सरकारको नीति तथा निर्णयलाई प्रभावकारी बनाउनका कांग्रेसका महामन्त्री पूर्णबहादुर खड्काको नेतृत्वमा कार्यदल गठन गरिएको छ।

कार्यदलमा कांग्रेसबाट खड्कासहित मिनेन्द्र रिजाल र रमेश लेखक, माओवादी केन्द्रबाट वर्षमान पुन र देव गुरुङ, जनता समाजवादीबाट महेन्द्र राय यादव र राजेन्द्र श्रेष्ठ सदस्य छन्।